Մեր Մասին

Ստեղծված և մշակված Creative Armenia մշակութային հիմնադրամի կողմից՝ Artbox-ը ստեղծագործական ինկուբատոր և աքսելերատոր ծրագիր է, որն ընդլայնում է Հայաստանի ստեղծարար տնտեսության սահմանները՝ տրամադրելով գործնական, ռազմավարական և երկարաժամկետ աջակցություն արվեստի տարբեր ճյուղերի արվեստագետներին և ստեղծագործողներին՝  հեղինակային և գործնական առաջադրանենքրի վրա հիմնված մեթոդաբանության միջոցով։ Այն հատկապես ուղղված է ստեղծագործողների շրջանում բիզնես մտածելակերպի և հմտությունների զարգացմանը և նրանց ուղղորդելու՝ ստեղծելու նախագծեր և ապրանքներ, որոնք կլինեն առևտրային առումով կենսունակ և ներդրումային: Artbox-ի 4 ծրագրերից յուրաքանչյուրը նպատակ ունի զինելու ստեղծագործողներին այն հմտություններով, որոնք անհրաժեշտ են հաջող և կայուն բիզնես ստեղծելու համար:

Ոգեշնչված բիզնեսի և տեխնոլոգիաների նորարարական մոդելներից՝ Artbox-ն ինկուբատոր և աքսելերատոր մոդելների վերակերտումն է արվեստի աշխարհի համար։ Այն դինամիկ ձեռնարկատիրական համակարգ է, որն աջակցում է արվեստագետներին՝ վերածելու իրենց գաղափարներն առևտրային առումով կենսունակ և ներդրումային ստեղծագործական արտադրանքների:

Արվեստագետներին և նախագծերն ուղղորդելով մանրակրկիտ մշակված ծրագրերի միջով՝ Artbox-ն ուղղորդում է դեպի հաջողություն և շուկայականություն՝ տրամադրելով մենթորություն, սեմինարներ և խորհրդատվություն՝ մենթորների և մշակութային ներդրողների հետ ամբողջ աշխարհից: Artbox-ի հետ միասին ստեղծագործ անհատները, թիմերն ու հաստատություններն աշխատում են իրենց դրամայնացումը, մարքեթինգը և առևտրային ներուժը առավելագույնի հասցնելու ուղղությամբ: 

Artbox-ը նպատակ ունի դառնալու Հայաստանում և աշխարհում գեղարվեստորեն հզոր և առևտրային առումով կենսունակ ստեղծագործական արտադրանքի, նախագծերի և բիզնեսների առաջատար ու ամփոփ կառույցը: