- Հայտադիմումները բաց են դիմորդների համար առանց աշխարհագրական որևէ սահմանափակման այն պայմանով, որ նախագծերը պետք է իրականացվեն Հայաստանի Հանրապետության տարածքում։ 
- Դիմորդները կարող են լինել ցանկացած ստեղծարար կամ մուլտիդիսցիպլինար ոլորտից. տեսողական արվեստ, կերպարվեստ, գրականություն, ֆիլմ, հեռուստատեսություն և անիմացիա, երաժշտություն, նորաձևություն, ստեղծարար դիզայն, կատարողական արվեստ, ճարտարապետություն, արվեստի համադրում, արվեստի կառավարում և այլն։
- Դիմորդները պետք է լինեն 18 տարեկանից բարձր։
- Դիմորդները կարող են դիմել որպես անհատներ կամ մինչև 3 անհատներից բաղկացած թիմեր։ Յուրաքանչյուր նախագիծ պետք է ունենա թիմի առաջնորդ, որը պատասխանատու կլինի բոլոր աշխատարաններին մասնակցելու և ծրագրի հետ կապված բոլոր պարտականությունները կատարելու համար:
- Բոլոր թիմերը պետք է ունենան անգլերենի իմացության միջին կամ բարձր մակարդակ ունեցող թիմից մեկ անդամ․թիմի առաջնորդը պետք է լավ տիրապետի անգլերեն լեզվին կամ թիմում ընգրկի անդամ, որը տիրապետում է անգլերենին։ Խնդրում ենք նկատի ունենալ, որ թեև աշխատարանների ընթացքում տրամադրվում է համաժամանակյա թարգմանություն, բոլոր գրավոր նյութերը և առաջադրանքները պետք է լրացվեն և ներկայացվեն անգլերենով։ 
 

Մենք փնտրում ենք գաղափարներ, որոնք՝

- ունեն գեղարվեստական համակցվացություն և նորարար են
- ունեն առևտրային հաջողության և/կամ շուկայական մեծ ներուժ իրենց ոլորտում
- պրակտիկ են՝ կյանքի կոչելու իրատեսական մոտեցմամբ
- ունեն նվիրված թիմ գաղափարը կյանքի կոչելու համար։
 

Մինչև դիմելու բուն գործընթացին անցնելը խնդրում ենք համոզվել, որ վերբեռնելու համար ունեք ստորև ներկայացված նյութերը։ Եթե պատրաստ ունեք այս նյութերը, ապա դիմելու գործընթացը կտևի ոչ ավելի, քան 15 րոպե։ Հայտերը ընդունվում են անգլերենով (նախընտրելի լեզու) կամ հայերենով։

1. Թիմի առաջնորդի բարձր որակի լուսանկար
​Պահանջներ՝ 
— Բարձր որակի լուսանկար (նվազագույնը 1500px x 1500px չափսի), որտեղ երևում է Ձեր դեմքը, ֆոնը պարզ է, լույսը՝ միատոն։
— Ֆայլը անվանե՛ք՝ ԱնունԱզգանուն_headshot
— Ընդունելի ձևաչափեր՝ PNG կամ JPG
— Առավելագույն սահմանաչափը՝ 10MB

2. Տեսանյութ։ Մենք կցանկանայինք մի փոքր ավելին իմանալ ձեր մասին։ Ներկայացե՛ք և պատմե՛ք մեզ, թե ինչու եք ոգևորված ձեր ստեղծարար գաղափարով։ 
Պահանջներ՝ 
— Տեսանյութը կարող է նկարահանված լինել հեռախոսով, տեսախցիկով կամ վեբ-տեսախցիկով 
— Ընդունելի ձևաչափեր՝ MP4, MPEG, AVI, FLV, QuickTime
— Առավելագույն տևողությունը՝ 3 րոպե
— Ֆայլը անվանե՛ք՝ ԱնունԱզգանուն_video
— Վերբեռնե՛ք տեսանյյութը Google Drive, Vimeo, DropBox, կամ YouTube և տրամադրե՛ք ֆայլի հղումը։
— Համոզվե՛ք, որ հղումը թույլ է տալիս մեզ դիտել Ձեր տեսանյութը։

3. Ինքնակենսագրություն (Curriculum Vitae) թիմի առաջնորդի համար,
որը տալիս է համապարփակ նախապատմություն և ներառում է համապատասխան հղումներ Ձեր աշխատանքների մասին։ 
Պահանջներ՝
— Ներառե՛ք Ձեր անունն ու ազգանունը փաստաթղթի վերնագրում և վերևի մասում
— Ֆայլը անվանե՛ք՝ ԱնունԱզգանուն_CV
— Առավելագույն սահմանաչափը՝ 10MB
— Ընդունելի ձևաչափ՝ PDF

5. Հավելյալ տեղեկություն (ոչ պարտադիր). Ցանկացած լրացուցիչ փաստաթուղթ որը կօգնի մեզ որոշել Ձեր դիմումի ստեղծարար ուժը և ազդեցության աստիճանը։ Սա կարող է լինել, օրինակ, պրոդուկտի կամ շուկայի վերլուծություն, բիզնես պլան, նախորդ աշխատանքների պորտֆոլիո,ընթացիկ նախագծի մուդբորդ կամ բյուջե։ 
Պահանջներ՝ 
— Ֆայլը անվանե՛ք՝ ԱնունԱզգանուն_annexes
— Առավելագույն սահմանաչափը՝ 10MB
— Ընդունելի ձևաչափ՝ PDF. 
 

Դիմումը լրացնելու ընթացքում դուք պետք է պատասխանեք մի քանի հարցերի, որոնց կարող եք ծանոթանալ ստորև։ Մենք խորհուրդ ենք տալիս մուտքագրել և պահպանել ձեր պատասխանները ձեր համակարգչի մեջ կամ առցանց որևէ հարթակում, նախքան դրանք ավելացնելը դիմումի ձևաթղթի մեջ, որպեսզի տեխնիկական խնդիրների դեպքում դրանք պահպանվեն Ձեզ մոտ: Հարցերը հետևյալն են՝
- Պատմեք մեզ Ձեր և Ձեր ստեղծարար կարիերայի մասին, ներառյալ այն նախագծերը, որոնք արդեն կյանքի եք կոչել։ (առավելագույնը 250 բառ)
- Մեկ նախադասությամբ նկարագրեք Ձեր ստեղծարար նախագիծը/գաղափարը։ (առավելագույնը 1 նախադասություն)
- Հիմա մի փոքր ավելին պատմեք ստեղծարար նախագծի/գաղափարի մասին։ Ինչո՞վ է գաղափարը ձեզ ոգևորել։(առավելագույնը 250 բառ) 
- Ի՞նչ փուլում է Ձեր նախագիծը և ինչպե՞ս է սկիզբ առել։ Այն գաղափարի՞ սկզբնական փուլում է, թե՞ ավելի զարգացած է։(առավելագույնը 250 բառ)
- Ըստ Ձեզ, Ձեր նախագիծն ունի՞ առևտրային ներուժ։ Ինչո՞ւ։ (առավելագույնը 100 բառ)
- Եթե ունեք թիմ, ներկայացրեք Ձեր թիմակիցներին։ Ինկուբատորի շրջանակում Ձեզ կարող են միանալ առավելագույնը 2 թիմակից։ (առավելագույնը 100 բառ)
- Որքա՞ն է Ձեր նախագծի մոտավոր բյուջեն։ Ներկայացրեք դրա ֆինանսական կարգավիճակի համառոտ նկարագրություն։ (առավելագույնը 100 բառ)
- Ի՞նչ ակնկալիքներ ունեք Artbox Incubator-ից։ (առավելագույնը 100 բառ) 

Ծրագրին դիմելու վերջնաժամկետն է 2024թ․ փետրվարի 29-ը (23:59 երևանյան ժամանակով)։ Վերջնաժամկետից հետո ներկայացված դիմումները չեն դիտարկվի։ Խնդրում ենք դիմումները ուղարկել միայն դրանց համար նախատեսված հարթակի միջոցով։ Էլեկտրոնային նամակով կամ այլ կերպ ուղարկված դիմումները չեն դիտարկվի։

Հայտերի գնահատման գործընթացը կտևի հայտերի ընդունման վերջնաժամկետից հետո մինչև 4 շաբաթ։ Ընտրող հանձնաժողովն ընտրության խիստ գործընթացի միջոցով կգնահատի բոլոր հայտադիմումները: Հաջորդ փուլում ընդգրկված դիմորդները կհրավիրվեն ներկայացնելու լրացուցիչ փաստաթղթեր և միանալու տեսազանգի վերջնական գնահատման համար: Բոլոր դիմորդները արդյունքների մասին կտեղեկացվեն գնահատման ողջ գործընթացի ավարտից հետո:

Հարցերի դեպքում կարող եք կապվել մեր թիմի հետ info@artbox.am էլ․ հասցեի միջոցով. մենք ուրախ կլինենք օգնել Ձեզ դիմելու գործընթացում:
 

- Կարո՞ղ եմ դիմել, եթե իմ բիզնեսը ունի կայուն թիմ և աշխատակիցներ։
Ոչ, ծրագիրը նախատեսված է գաղափարի փուլում գտնվող բիզնեսների համար: Գործող բիզնեսների համար կարող եք ծանոթանալ Artbox Accelerator-ին։

- Կարո՞ղ եմ դիմել ծրագրին, եթե ես ցանկանում եմ զարգացնել իմ կարիերան։
Ոչ, ծրագիրը նախատեսված է գաղափարի փուլում գտնվող բիզնեսների համար: Անհատ ստեղծագործողների կարիերայի զարգացման համար կարող եք ծանոթանալ Artbox Entrepreneur-ին։

- Կարո՞ղ եմ դիմել, եթե ունեմ ստեղծարար գաղափար, բայց իմ բիզնեսը դեռ գրանցված չէ։
Այո, բայց դուք պետք է գրանցեք ձեր բիզնեսը Հայաստանի Հանրապետությունում, եթե ընտրվեք որպես մասնակից և դրամաշնորհ ստացող։

- Կարո՞ղ եմ դիմել, եթե ունեմ ստեղծարար գաղափար, բայց չունեմ թիմ այս պահին։
Այո, թիմ ունենալը պարտադիր չէ, բայց մենք խորհուրդ ենք տալիս այս ծրագրին միանալ գործընկերոջ հետ։

- Կարո՞ղ եմ դիմել, եթե իմ բիզնեսը Հայաստանի Հանրապետությունում չէ։
Artbox-ի ծրագրերը նախատեսված են ՀՀ ում ստեղծարար տնտեսությունը զարգացնելու և խթանելու համար, ուստի ծրագրին մասնակցելու համար ձեր բիզնեսը պետք է գրանցված լինի և գործի Հայաստանի Հանրապետությունում։

- Եթե իմ բիզնեսը ընտրվի որպես ծրագրի մասնակից, արդյո՞ք դա նշանակում է, որ ես կստանամ դրամաշնորհ։
Ծրագրին մասնակցելը չի ​​երաշխավորում, որ դուք կստանաք աքսելերացիոն դրամաշնորհ: Դուք կանցնեք մշակված ուսումնական ծրագիր և կաշխատեք ձեր բիզնես պլանի վրա, որն էլ ծրագրի ավարտին կներկայացնեք՝ որպես դրամաշնորհին դիմելու հայտի մաս:

- Ո՞րտեղ են անցկացվում աշխատարանները։ 
Առցանց, դուք կարող եք միանալ Հայաստանի և աշխարհի ցանկացած կետից, եթե երկրից բացակայում եք:

- Ե՞րբ է սկսվում ծրագիրը և ի՞նչքան է նրա տևողությունը։
Ծրագիրը տևում է 8 շաբաթ՝ մարտի վերջից մինչև մայիսի կես։

- Շաբաթական ո՞րքան ժամանակ է անհրաժեշտ հատկացնել Artbox ծրագրին։  
Միջին հաշվով, Artbox-ի մասնակիցները շաբաթական առնվազն 5-8 ժամ են հատկացնում ծրագրին: Այն ներառում է 2 ժամ տևողությամբ առցանց աշխատարաններ երկուշաբթի օրերին (Երևանի ժամանակով 19։00-21։00) և շաբաթական առաջադրանքները կատարելու համար անհրաժեշտ ժամանակը:

- Ի՞նչ լեզվով է իրականցվում ծրագիրը։
Հիմնական աշխատարանները հասանելի են ինչպես անգլերեն, այնպես էլ հայերեն լեզուներով՝ համաժամանակյա թարգմանության միջոցով: Այնուամենայնիվ, գրավոր նյութերի և մենթորների հետ հնարավոր անհատական հանդիպումների համար անհրաժեշտ է, որ դուք կամ ձեր թիմակիցները ունենաք անգլերենի միջին կամ բարձր մակարդակ։