Creative Armenia-ն ուրախ է ներկայացնելու 23 անհատ արվեստագետների, որոնք միացել են Artbox Entrepreneur ծրագրին և սկսել են ստեղծարար ձեռներեց դառնալու իրենց աքսելերացիոն ճանապարհորդությունը: Artbox Entrepreneur ծրագիրը բացառիկ հնարավորություն է ընձեռում արվեստագետներին՝ սկիզբ դնելու իրենց ստեղծարար կարիերային, զարգացնելու իրենց անհատական բրենդինգը և առավելագույնի հասցնելու եկամուտը։

23 ընտրված արվեստագետները հոկտեմբեր ամսվանից մասնակցում են շաբաթական աշխատարաններին, կատարում են նպատակային առաջադրանքներ և ստանում են խորհրդատվություն բիզնես և ձեռներեցության ոլորտի աշխարհի առաջատար մենթորների կողմից Ֆրանսիայից, Իտալիայից, Իսպանիայից, Մեքսիկայից և ԱՄՆ-ից։ Artbox Entrepreneur-ը ուղղորդում է արվեստագետներին զարգացնելու իրենց անձնական ապրանքանիշերը, մեծացնելու իրենց վաճառքները, խթանելու իրենց բիզնեսները և ավելին: Ծրագրի ավարտին մինչև 23 արվեստագետներ կստանան ընդհանուր մինչև 60,000 եվրոյի դրամաշնորհ՝ Artbox-ի ընթացքում մշակված իրենց ձեռներեցության ծրագրերն իրականանալի դարձնելու համար։

«Artbox Entrepreneur-ն իր ուրույն տեղն ունի Հայաստանի ստեղծարար ոլորտի զարգացման մեջ, որի առանցքային կետն է անհատ արվեստագետների համար անհատական բիզնես մոդելների մշակումը և ձեռներեցական հմտությունների զարգացումը: Մենք ուրախ ենք ողջունել 23 արվեստագետների նոր ալիքը, որոնք կսկսեն իրենց կարիերայի խթանումը և  իրենց դերը կունենան ստեղծագործական ոլորտի հզորացման գործում», – ասաց Creative Armenia-ի ծրագրերի տնօրեն Անուշ Տեր-Խաչատրյանը։

Artbox Entrepreneur-ին մասնակցող 23 անհատ ստեղծագործողներն են՝

• Անահիտ Ղազախեցյան
  Բանաստեղծ և թարգմանիչ Անահիտ Ղազախեցյանը երկու գրքի հեղինակ է և բացահայտում է երևույթների անընդհատ փոփոխվող իմաստները և հիշողության փխրուն բնույթը պատմասացության միջոցով։
   
• Անուշ Գուրգենյան
  Լինելով նկարազարդող և անիմատոր՝ Անուշ Գուրգենյանը միախառնում է տեսողական արվեստը պատմասացության հետ:
   
• Արման Գասպարյան
  Լուսանկարիչ և բովանդակություն ստեղծող Արման Գասպարյանը, մասնագիտանալով վավերագրական և գեղարվեստական կինոյի ոճերի մեջ, զբաղվում է թե՛ թվային, թե՛ անալոգային լուսանկարչությամբ՝ միաժամանակ ուսումնասիրելով արհեստական ​​բանականությունը և մետավերսը։
   
• Քրիստինե Աբրահամյան
  Դիզայներ, ճարտարապետ և ՍԻ ԷՅ դիզայն ստուդիայի հիմնադիր Քրիստինե Աբրահամյանը նախագծում է միջավայրեր, որոնք կազմավորվում են գծի, ծավալի և գույնի վիզուալ շարժման սկզբունքով՝ արտացոլելով պատմություններ, անդրադարձեր և զգացողություններ։
   
• Դինա Ծատուրեան
  Դինա Ծատուրեանը զարդերի դիզայներ է և իր նրբագեղ նմուշների ու ստեղծագործությունների միջոցով միահյուսում է բազմամշակութային պատմություններ:
   
• Էզեկիել Գիրագոսյան
  Էզեկիել Գիրագոսյանը կրկեսի արտիստ, ուսուցիչ և սոցիալական աշխատող է, որն ունի ավելի քան 10 տարվա փորձ գեղարվեստական ​​և սոցիալական նախագծերում ամբողջ աշխարհում՝ օգտագործելով իր հմտությունները կրթություն և ժամանց ապահովելու համար:
   
• Գայանե Ղազարյան
  Գայանե Ղազարյանը նորաձևության դիզայներ և ստեղծագործ անձնավորություն է, ում անսահման ոգեշնչումն ու նկրտումները մղում են նրան իր աշխատանքում նոր ուղիներ բացահայտելու՝ առաջ մղելով նորաձևության և նորարարության սահմանները:
   
• Գայանե Հակոբյան
  Գայանե Հակոբյանը նկարազարդող և գրաֆիկ դիզայներ է, ում ոգեշնչում է պատկերների կախարդական հմայքը:
   
• Հասմիկ Բադոյան
  Հասմիկ Բադոյանը մուլտիմեդիա արվեստագետ է, որը կենտրոնացած է թվային անիմացիայի, գեներատիվ արվեստի և աուդիո-վիզուալ մեդիայի վրա՝ ստեղծելով խորը տեսողական և լսողական փորձառություններ:
   
• Լիլիթ Մարդանյան
  Լիլիթ Մարդանյանը կոմիքսների և գրաֆիկ նկարիչ է, որը սիրում է փորձարկել վիզուալ արվեստի տարբեր միջոցներ՝ ստեղծելով եզակի և գրավիչ պատմություններ:
   
• Լիլիթ Նազարեթյան
  Արվեստագետ և պատմասաց Լիլիթ Նազարեթյանն օգտագործում է մուլտիմեդիան՝ ներգրավելու հանդիսատեսին և խթանելու սոցիալական փոփոխությունները ազդեցիկ պատմությունների միջոցով:
   
• Լիզի Վարդանյան
  Լիզի Վարդանյանը բրիտանահայ ասեղնագործ վարպետ է, ում աշխատանքները խորապես ոգեշնչված են հայկական ավանդական ասեղնագործության տեխնիկաներով:
   
• Մանե Թաթուլյան
  Մանե Թաթուլյանը ասպիրանտ է, պրոֆեսոր, գրող և դիզայներ, որը աշխատում է փիլիսոփայության և կիրառական արվեստի խաչմերուկում՝ միախառնելով իր փորձը բարդ գաղափարներ ուսումնասիրելու համար:
   
• Մանե Ենգիբարյան
  Մանե Ենգիբարյանը գրաֆիկ դիզայներ է և սեղանի խաղերի ստեղծող, որն իր դիզայնը  հայկական մշակույթի հետ համատեղելու հանդեպ մեծ հետաքրքրություն ունի: Իր Jeng Games ընկերության միջոցով նպատակ ունի նորարարական, մշակութային խաղեր ներկայացնել ավելի լայն լսարանի համար:
   
• Մարիամ Առուշանյան
  Մարիամ Առուշանյանը հնչյունային ռեժիսոր և ստեղծագործող է Լեռնային Ղարաբաղից, որն օգտագործում է ձայնը մարդկային պատմություններ փոխանցելու համար՝ իր աշխատանքի միջոցով կիսվելով իրական կյանքի փորձառություններով:
   
• Մարինա Հակոբյան 
  Մարինա Հակոբյանը քանդակագործ է, որը փորձարկում է նոր տեխնիկաներ և ուսումնասիրում նորարար գաղափարներ՝ հավատալով գեղարվեստական նրբագեղությանը: Յուրաքանչյուր կտոր արտացոլում է նրա կիրքը ստեղծարարության և բացահայտումների նկատմամբ:
   
• Մարիթա Պարտագճեան
  Մարիթա Պարտագճեանը վիզուալ արվեստագետ է և նաև կերպարվեստ է դասավանդում: Նա Բեյրութում համայնքային նախագծեր է ստեղծել տարբեր սպեկտրի խանգարումներով երեխաների համար: Կանադա տեղափոխվելուց և ցուցահանդեսների մասնակցելուց հետո նա այժմ հաստատվել է Հայաստանում։
   
• Մերի Դանիելյան
  Մերի Դանիելյանը կինոռեժիսոր և լուսանկարիչ է, որը սիրում է ֆիքսել դեպքեր, ստեղծել պատմություններ, վիզուալիզացնել նոր աշխարհներ՝ միաժամանակ աուդիո-վիզուալ մեդիայի միջոցով էմոցիաներ փոխանցելով:
   
• Նարե Արիս
  Նարե Արիսը կինոպրոդյուսեր, ռեժիսոր և գրող է, որը ստեղծում է հետաքրքիր պատմություններ՝ գրավելով տարբեր մշակույթների հանդիսատեսին:
   
• Նարեկ Ջհանգիրյան 
  Նարեկ Ջհանգիրյանը նորաձևության դիզայներ և ոճաբան է։ Նա հանդիսանում է «Ջհանգիրյան» հագուստի բրենդի հիմնադիրը և ստեղծել է 200-ից ավել հագուստ՝ սոցիալական տարբեր խնդիրների վերաբերյալ իրազեկվածությունը բարձրացնելու նպատակով:
   
• Ռոզմարի Շվարց
  Ռոզմարի Շվարցը ամերիկահայ նորաձևության դիզայներ է, որն առաջնորդվում է արևելյան և արևմտյան ազդեցությունների միաձուլմամբ իր նախագծերում։
   
• Տրդատ Շիրոյան
  Տրդատ Շիրոյանը վեց տարվա փորձ ունեցող լուսանկարիչ է, որի նպատակն է ներկայանալ իր ինքնատիպ ձեռագրով հայկական, հետագայում նաև միջազգային շուկաներում:
   
• Ելենա Ներսեսյան
  Ելենա Ներսեսյանը ստեղծում է կոմիքսներ, նկարազարդումներ և անիմացիաներ։ Նա ներկայացնում ու  տարածում է հայկական մշակույթն իր գեղարվեստական ստեղծագործություններում՝ ոգեշնչվելով հայոց պատմությունից, դիցաբանությունից և հեքիաթներից։